|
| ਭਾਰਤ ਦੀ ਬੋਲਦੀ ਤਸਵੀਰ 'ਦਿੱਲੀ 6' | |
ਨਿਰਮਾਤਾ : ਰਾਕੇਸ਼ ਓਮਪ੍ਰਕਾਸ਼ ਮੇਹਰਾ, ਰੋਨੀ ਸਕਰੂਵਾਲਾ
ਨਿਰਦੇਸ਼ਕ : ਰਾਕੇਸ਼ ਓਮਪ੍ਰਕਾਸ਼ ਮੇਹਰਾ
ਸੰਗੀਤ : ਏਆਰ ਰਹਿਮਾਨ, ਰਜਤ ਢੋਲਕੀਆ
ਕਲਾਕਾਰ : ਅਭਿਸ਼ੇਕ ਬੱਚਨ, ਸੋਨਮ ਕਪੂਰ, ਓਮਪੁਰੀ, ਦਿਵਿਆ ਦੱਤਾ, ਰਿਸ਼ੀ ਕਪੂਰ ਵਹੀਦਾ ਰਹਿਮਾਨ, ਪਵਨ ਮਲਹੋਤਰਾ, ਸੁਪ੍ਰਿਆ ਪਾਠਕ, ਤਨਵੀ ਆਜਮੀ, ਕੇਕੇ ਰੈਨਾ, ਅਤੁਲ ਕੁਲਕਰਨੀ.
ਸਭ ਤੋਂ ਪਹਿਲੀ ਗੱਲ ਤਾਂ ਇਹ ਕਿ 'ਦਿੱਲੀ 6' ਇੱਕ ਪ੍ਰੀਤ ਕਹਾਣੀ ਨਹੀਂ ਹੈ. ਇਹ ਦਿੱਲੀ 6 ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਕਹਾਣੀ ਹੈ. ਜਿੱਥੇ ਅਲੱਗ ਅਲੱਗ ਧਰਮਾਂ ਦੇ ਲੋਕ ਤੰਗ ਗਲੀਆਂ ਅਤੇ ਪੁਰਾਣੇ ਘਰਾਂ ਵਿੱਚ ਇਕੱਠੇ ਰਹਿੰਦੇ ਹਨ. ਅਜਿਹਾ ਲੱਗਦਾ ਹੈ ਕਿ ਸਮਾਂ ਉੱਥੇ ਰੁੱਕ ਗਿਆ ਹੈ ਜਾਂ ਉਹ ਲੋਕ ਸਮੇਂ ਦੇ ਹਿਸਾਬ ਨਾਲ ਨਹੀਂ ਬਦਲੇ ਅਤੇ ਨਾਹੀਂ ਉਹਨਾਂ ਦੀ ਸੋਚ ਬਦਲੀ. ਉਂਝ ਭਾਰਤ ਦੇ ਲਗਭਗ ਹਰ ਵੱਡੇ ਸ਼ਹਿਰ ਵਿੱਚ ਇੱਕ ਖੇਤਰ ਅਜਿਹਾ ਹੁੰਦਾ ਹੈ, ਜਿਸਨੂੰ ਅਸੀਂ ਪੁਰਾਣਾ ਕਹਿੰਦੇ ਹਾਂ.
ਦਿੱਲੀ 6 ਦੇ ਹਰ ਕਿਰਦਾਰ ਦੀ ਆਪਣੀ ਕਹਾਣੀ ਅਤੇ ਸੋਚ ਹੈ, ਜਿਹਨਾਂ ਦੇ ਰਾਹੀਂ ਨਿਰਦੇਸ਼ਕ ਰਾਕੇਸ਼ ਓਮਪ੍ਰਕਾਸ਼ ਮੇਹਰਾ ਨੇ ਭਾਰਤੀ ਸਮਾਜ ਦਾ ਚਿੱਤਰਣ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ. ਇਸ ਫਿਲਮ ਨੂੰ ਵੇਖਕੇ ਪਿਛਲੇ ਵਰ੍ਹੇ ਪ੍ਰਦਰਸ਼ਿਤ ਸ਼ਿਆਮ ਬੈਨੇਗਲ ਦੀ 'ਵੈਲਕਮ ਟੂ ਸੱਜਨਪੁਰ' ਦੀ ਯਾਦ ਆਉਣਾ ਲਾਜਮੀ ਹੈ. ਉਸ ਫਿਲਮ ਵਿੱਚ ਵੀ ਬੈਨੇਗਲ ਨੇ ਕਿਰਦਾਰਾਂ ਦੇ ਰਾਹੀਂ ਦੇਸ਼ ਦੀ ਨਬਜ਼ ਪਕੜ੍ਹਣ ਦੀ ਕੋਸ਼ਿਸ਼ ਕੀਤੀ ਸੀ.
ਉਂਝ ਅਸੀਂ ਸ਼ਾਪਿੰਗ ਕੰਪਲੈਕਸ ਦੇ ਨਾਮ ਉੱਤੇ ਭਲੇ ਹੀ ਤਰੱਕੀ ਦੀ ਗੱਲ ਕਰੀਏ, ਪਰੰਤੂ ਹਾਲੇ ਵੀ ਸਾਡੇ ਦੇਸ਼ ਦੇ ਜਿਆਦਾਤਰ ਲੋਕਾਂ ਦੀ ਸੋਚ ਦਿੱਲੀ 6 ਵਿੱਚ ਰਹਿਣ ਵਾਲੇ ਦੀ ਤਰ੍ਹਾਂ ਹੀ ਹੈ. ਉਹ ਘਰ ਦੀਆਂ ਔਰਤਾਂ ਨੂੰ ਦੂਜਾ ਦਰਜਾ ਦਿੰਦੇ ਹਨ. ਬਿੱਟੂ (ਸੋਨਮ ਕਪੂਰ) ਕੁੱਝ ਬਣਨਾ ਚਾਹੁੰਦੀ ਹੈ, ਪਰੰਤੂ ਉਸਦੇ ਪਿਤਾ (ਓਮਪੁਰੀ) ਉਸਦਾ ਵਿਆਹ ਕਰ ਦੇਣਾ ਚਾਹੁੰਦੇ ਹਨ. ਬਿੱਟੂ ਆਪਣੀ ਖਾਹਸ਼ ਪੂਰੀ ਕਰਨਾ ਚਾਹੁੰਦੀ ਹੈ ਅਤੇ ਉਸਨੂੰ ਲੱਗਦਾ ਹੈ ਕਿ ਇੰਡੀਅਨ ਆਇਡਲ ਉਸਦੇ ਲਈ ਆਇਡਲ ਹੈ.
ਜਲੇਬੀ (ਦਿਵਿਆ ਦੱਤਾ) ਨੂੰ ਅਛੂਤ ਮੰਨਿਆ ਜਾਂਦਾ ਹੈ. ਭ੍ਰਿਸ਼ਟ ਪੁਲਿਸ ਅਧਿਕਾਰੀ (ਵਿਜੈ ਰਾਜ) ਨੂੰ ਉਸਦੇ ਮੰਦਰ ਉੱਤੇ ਇਤਰਾਜ ਹੈ, ਪਰੰਤੂ ਉਹ ਉਸਦੇ ਨਾਲ ਰਾਤ ਗੁਜਾਰਣ ਦੇ ਲਈ ਤਿਆਰ ਹੈ. ਦੋ ਭਰਾਵਾਂ (ਓਮਪੁਰੀ ਅਤੇ ਪਵਨ ਮਲਹੋਤਰਾ) ਦੇ ਦਰਮਿਆਨ ਨਹੀਂ ਬਣਦੀ. ਉਹ ਘਰ ਦੇ ਵਿਚਾਲੇ ਕੰਧ ਕੱਢ ਲੈਂਦੇ ਹਨ, ਪਰੰਤੂ ਉਹਨਾਂ ਦੀਆਂ ਪਤਨੀਆਂ ਕੰਧ 'ਚ ਮੋਘਾ ਕਰਕੇ ਗੱਲਾਂ ਕਰਦੀਆਂ ਹਨ. ਕੁੱਝ ਸਮਾਜ ਦੇ ਠੇਕੇਦਾਰ ਹਨ, ਜੋ ਮੰਦਰ ਮਸਜਿਦ ਦੇ ਨਾਂਅ ਉੱਤੇ ਲੋਕਾਂ ਨੂੰ ਭੜ੍ਹਕਾਉਂਦੇ ਹਨ ਅਤੇ ਉਹਨਾਂ ਵਿੱਚ ਝਗੜ੍ਹਾ ਕਰਵਾਉਂਦੇ ਹਨ.
ਇਸਦੇ ਇਲਾਵਾ ਇੱਕ 'ਕਾਲਾ ਬਾਂਦਰ' ਵੀ ਹੈ, ਜੋ ਲੋਕਾਂ ਨੂੰ ਮਾਰਦਾ ਹੈ, ਚੀਜਾਂ ਚੁਰਾਉਂਦਾ ਹੈ. ਉਸਨੂੰ ਕਿਸੇ ਨੇ ਨਹੀਂ ਵੇਖਿਆ, ਪਰੰਤੂ ਉਸਦੇ ਬਾਰੇ ਵਿੱਚ ਤਰ੍ਹਾਂ ਤਰ੍ਹਾਂ ਦੀਆਂ ਅਫਵਾਹਾਂ ਹਨ. ਇਹਨਾਂ ਗੱਲਾਂ ਦਾ ਗਵਾਹ ਬਣਦਾ ਹੈ ਫਿਲਮ ਦਾ ਨਾਇਕ ਰੋਸ਼ਨ (ਅਭਿਸ਼ੇਕ ਬੱਚਨ), ਜੋ ਨਿਊਯਾਰਕ ਤੋਂ ਦਿੱਲੀ ਆਪਣੀ ਬਿਮਾਰ ਦਾਦੀ (ਵਹੀਦਾ ਰਹਿਮਾਨ) ਨੂੰ ਛੱਡਣ ਦੇ ਲਈ ਆਇਆ ਹੈ. ਆਖ਼ਰ ਦੇ ਵਿੱਚ ਕਹਾਣੀ 'ਚ ਕੁੱਝ ਅਜਿਹੇ ਹਾਲਾਤ ਪੈਦਾ ਹੁੰਦੇ ਹਨ ਕਿ ਨਾਇਕ ਦੀ ਦਾਦੀ ਵਾਪਸ ਵਿਦੇਸ਼ ਜਾਣਾ ਚਾਹੁੰਦੀ ਹੈ ਜਦਕਿ ਨਾਇਕ ਭਾਰਤ ਵਿੱਚ ਰਹਿਣਾ ਚਾਹੁੰਦਾ ਹੈ.
ਰਾਕੇਸ਼ ਮੇਹਰਾ ਨੇ ਕਾਲੇ ਬਾਂਦਰ, ਸੰਗੀਤ ਅਤੇ ਦਿੱਲੀ 'ਚ ਚੱਲ ਰਹੀ ਰਾਮਲੀਲਾ ਦੇ ਰਾਹੀਂ ਆਪਣੇ ਕਿਰਦਾਰਾਂ ਨੂੰ ਜੋੜ੍ਹਕੇ ਫਿਲਮ ਨੂੰ ਅੱਗੇ ਵਧਾਇਆ ਹੈ. ਸੰਗੀਤ ਦਾ ਵੀ ਇਸ ਵਿੱਚ ਚੰਗਾ ਇਸਤੇਮਾਲ ਕੀਤਾ ਗਿਆ ਹੈ. ਕੁੱਝ ਦ੍ਰਿਸ਼ ਤਾਂ ਬਹੁਤ ਜ਼ੋਰਦਾਰ ਹਨ. ਰਾਕੇਸ਼ ਦਾ ਨਿਰਦੇਸ਼ਨ ਜੋਰਦਾਰ ਹੈ, ਪਰੰਤੂ ਕਹਾਣੀ 'ਚ ਕਈ ਤਰੁੱਟੀਆਂ ਹਨ.
ਫਿਲਮ ਦਾ ਪਹਿਲਾ ਹਿੱਸਾ ਕੇਵਲ ਕਿਰਦਾਰਾਂ ਨੂੰ ਉਭਾਰਣ ਵਿੱਚ ਨਿਕਲ ਜਾਂਦਾ ਹੈ. ਕਿਰਦਾਰ ਗੱਲਾਂ ਕਰਦੇ ਰਹਿੰਦੇ ਹਨ, ਪਰੰਤੂ ਫਿਲਮ ਦੀ ਕਹਾਣੀ ਬਿਲਕੁਲ ਵੀ ਅੱਗੇ ਨਹੀਂ ਵੱਧਦੀ ਹੈ. ਫਿਲਮ ਦਾ ਅੰਤ ਵੀ ਜਿਆਦਾਤਰ ਲੋਕਾਂ ਨੂੰ ਪਸੰਦ ਨਹੀਂ ਆਵੇਗਾ. ਅਭਿਸ਼ੇਕ ਦਾ ਕਿਰਦਾਰ ਵੀ ਕਮਜੋਰ ਹੈ ਜਦਕਿ ਉਹ ਫਿਲਮ ਦੇ ਨਾਇਕ ਹਨ. ਸੋਨਮ ਕਪੂਰ ਦਾ ਅਭਿਨੈ ਚੰਗਾ ਹੈ, ਪਰੰਤੂ ਉਹਨਾਂ ਦੇ ਕਿਰਦਾਰ ਨੂੰ ਉਭਰਨ ਦਾ ਮੌਕਾ ਨਹੀਂ ਮਿਲਿਆ. ਪਵਨ ਮਲਹੋਤਰਾ, ਵਿਜੈ ਰਾਜ ਅਤੇ ਦਿਵਿਆ ਦੱਤਾ ਨੇ ਆਪਣੇ ਕਿਰਦਾਰਾਂ ਨੂੰ ਵਧੀਆ ਤਰੀਕੇ ਨਾਲ ਪੇਸ਼ ਕੀਤਾ ਹੈ. ਓਮ ਪੁਰੀ, ਰਿਸ਼ੀ ਕਪੂਰ ਅਤੇ ਵਹੀਦਾ ਰਹਿਮਾਨ ਨੂੰ ਕੇਵਲ ਸਟਾਰ ਵੈਲਿਊ ਵਧਾਉਣ ਦੇ ਲਈ ਲਿਆ ਗਿਆ ਹੈ.
ਦਿੱਲੀ ਦਾ ਸੈੱਟ ਵੇਖਕੇ ਵਿਸ਼ਵਾਸ ਕਰਨਾ ਮੁਸ਼ਕਲ ਹੁੰਦਾ ਹੈ ਕਿ ਇਹ ਨਕਲੀ ਹੈ. ਏਆਰ ਰਹਿਮਾਨ ਦਾ ਸੰਗੀਤ 'ਦਿੱਲੀ 6' ਦੀ ਸਭ ਤੋਂ ਵੱਡੀ ਖਾਸੀਅਤ ਹੈ. ਮਸਕਲੀ, ਰਹਿਣਾ ਤੂ, ਯੇ ਦਿੱਲੀ ਹੈ ਮੇਰੇ ਯਾਰ ਗੀਤ ਆਦਿ ਗੀਤ ਸੁਣਨ ਲਾਇਕ ਹਨ. ਗੀਤਕਾਰ ਪ੍ਰਸੂਨ ਜੋਸ਼ੀ ਦਾ ਕੰਮ ਵੀ ਪ੍ਰਸ਼ੰਸਾਯੋਗ ਹੈ. ਤਕਨੀਕੀ ਰੂਪ ਨਾਲ ਫਿਲਮ ਮਜਬੂਤ ਹੈ, ਪਰੰਤੂ ਫਿਲਮ ਦੇ ਜਿਆਦਾਤਰ ਦ੍ਰਿਸ਼ਾਂ ਵਿੱਚ ਹਨੇਰਾ ਆਉਂਦਾ ਹੈ.
ਕੁੱਝ ਤਰੁੱਟੀਆਂ ਦੇ ਬਾਵਜੂਦ ਇਸ ਸ਼ੁੱਧ ਦੇਸ਼ੀ ਫਿਲਮ ਨੂੰ ਇੱਕ ਵਾਰ ਵੇਖਿਆ ਜਾ ਸਕਦਾ ਹੈ.
| | (ਸਰੋਤ - ਵੈਬ ਦੁਨੀਆ) |
| |
| | | |
|
|
|
|
|
| ਸਿਤਾਰਿਆਂ ਦੇ ਸਿਤਾਰੇ - ਅੱਲਾ ਰੱਖਾ ਰਹਿਮਾਨ 'ਗੋਲਡਨ ਗਲੋਬ' ਪੁਰਸਕਾਰ ਨੂੰ ਲੈ ਕੇ ਮੁੜ੍ਹ ਤੋਂ ਚਰਚਾ ਵਿਚ ਹਨ.ਰਹਿਮਾਨ...... |
| |
|
|
|
|
 | | AP |
| | | ਖਲਬਲੀ-ਫਨ ਅਨਲਿਮਿਟੇਡ | | 'ਫੂੰਕ' ਵਰਗੀ ਫਿਲਮ ਬਣਾਉਣ ਦੇ ਬਾਅਦ ਫਿਲਮ ਨਿਰਮਾਤਾ ਆਜਮ ਖਾਨ ਹੁਣ 'ਖਲਬਲੀ-ਫਨ ਅਨਲਿਮਟੇਡ' ਨਾਮਕ ਫਿਲਮ ਲੈਕੇ ਆ ਰਹੇ ਹਨ. ਜਿਵੇਂ ਨਾਮ ਤੋਂ ਹੀ ਪਤਾ ਚੱਲਦਾ ਹੈ ਕਿ ਇਹ ਇੱਕ ਕਾਮੇਡੀ ਫਿਲਮ ਹੈ. ਇਸ ਫਿਲਮ ਵਿੱਚ ਢੇਰ |
|
| |
|
|
|
|
|
| ਵਪਾਰ ਖਬਰਾਂ - ਮੋਟਰ ਸਾਈਕਲ ਦੀ ਵਿੱਕਰੀ ਵਿੱਚ ਕਮੀ ਅਤੇ ਮਜਬੂਤ ਯੇਨ ਦੇ ਕਾਰਣ ਜਪਾਨ ਦੀ ਯਾਮਾਹਾ ਮੋਟਰ ਕੰਪਨੀ ਨੂੰ ਪਿਛਲੇ 26 ਸਾਲ ਵਿੱਚ ਪਹਿਲੀ ਵਾਰ 2009 ਵਿੱਚ ਨੁਕਸਾਨ ਹੋਣ ਦਾ ਅਨੁਮਾਨ ਹੈ. ਬੋਟ ਇੰਜਨ ਦਾ ਵੀ ਨਿਰਮਾਣ ਕਰਨ ਵਾਲੀ ਕੰਪਨੀ ਯਾਮਾਹਾ |
| |
|
|
|
|
|
|
